PvR Gemeenskapskerk

Wie is ons?

Ons Storie

Ons Geloofsfamilie het 25 jaar gelede afgestig van NGK Lyttelton-Oos. Nadat daar aanvanklik dienste gehou is in die saal van Laerskool Fleur en in ‘n tydelike gebou op ons huidige kerkterrein is die eerste kerkgebou mettertyd voltooi en ons het begin groei in nuwe lede en in bediening. Die Here het ons geseën soos die tyd aangestap het en ons het in 2002 ons huidige gemeentesentrum en fasiliteite in gebruik geneem.

Ons Droom

Ons is ‘n geloofsfamilie wat saam wil reis na Heelheid in Christus. Vir ons beteken dit dat ons gerig is op ons wêreld en ons gemeenskap en dat ons onsself sien as ‘n netwerk van verhoudings wat uitreik na mekaar en ander met die stories van God se liefde en genade in ons lewe. Ons wil graag by ander inhaak op die lewensreis en saam ontdek wat God se bedoeling met ons lewe is en hoe om met volle oorgawe die lewe van oorvloed in Jesus Christus te lewe.

Ons Bediening

God se roeping vir ons Geloofsfamilie het 4 kante ….

  • Ons glo dat ons elkeen se Menswees deur die Heilige Gees herskep moet word, so ons wil graag geleenthede skep waarin elkeen van ons in ons verhouding met onsself, ons lewensmaats, ons kinders en ander mense kan groei. So skep ons ruimtes waarin ware saamwees moontlik is. Saam leer ons die “Lewenskuns” van Heelheid!
  • Ons beskou ook ons Nuwe Generasie, dit is nou ons kinders en jongmense, as ‘n waardevolle en onmisbare deel van ons Geloofsfamilie. Soos in enige ander familie wil ons hulle aanmoedig, uitdaag, versorg en lei om Christus te ken en uit sy Woord en gees te lewe.
  • God roep ons ook om elkeen te reis op die pad van Geloofsgroei.Ware groei is slegs moontlik wanneer ons gereeld en met oorgawe die Woord van God bestudeer en geniet. Ons wil geleenthede skep waar ons kan saamkom vir ‘n dieper en ryker verstaan van God se Woord en die beginsels en wysheid daarin.
  • Dit alles gesê weet ons dat God ons roep tot Familielewe. Vir ons beteken dat dat ons as Geloofsfamilie saam moet aanbid in ons eredienste en ander byeenkomste, dat ons sal saamwees in groepe en verhoudings en dat ons moet uitreik na die nood van ons gemeenskap en ons wêreld. ,

    As jy meer wil weet oor ons bediening, kliek hier.

Nuusflitse

Indien jy graag op hoogte wil bly van wat in ons geloofs-familie gebeur, kan jy gerus vir ons nuusbriewe inskryf.





© 2017   Created by PVR Admin.   Powered by

Promosies  |  Report an Issue  |  Terms of Service