PvR Gemeenskapskerk

Kliek hier om die materiaal in Word-formaat af te laai.

Wanneer ons met die Bybel werk in ons Gesels groepe is ons intiem besig om die teks en dit agter die teks op so goed moontlike manier te ontleed om n beter verstaan te kry oor hoe die Woord van God lewend word in ons lewens.

Ons het n Basiese Metode ontwikkel wat ons as lens gebruik wanneer ons die Woord probeer oopbreuk.

Laai gerus die metode af en gebruik dit tydens persoonlike stiltetyd om deel te raak in die teks en jouself in die teks te plaas. Dit is ongelooflik ontdekend en los ons dikwels in totale verwondering oor die Lewende woord van God.

 

IN die metode word sterk gefokus op die drie Vs wat ons geloofsfamily aan dink wanneer ons dink oor die manier waarop ons Christus ontdek en volg.

 

Hier volg die metode.

 

Stil word

Die stil word is n tyd waar ons stil word in die teenwoordigheid van God en bewus kan word van die Heilige gees wat by ons is en met ons praat.

  • Lees die teks rustig deur.
  • Elk een raak rustig by Homself met die teks en ons gee kans dat ons gedagtes werk en ons Bewus kan raak van die Gees.
  • Gebed, elke een by Homself bid vir dit wat in Hom of haar losgekom het.
  • Terugvoer oor wat elkeen uit die teks ontdek het.

Skryfstyl

Wanneer  ons met die teks werk moet ons onthou dat dit n antieke geskrifte is wat binne n spesifieke leefwêreld gebeur en afspeel en daarom op bepaalde maniere geskryf is. Wanneer ons dan met die teks werk moet ons die skryfstyl so gebruik dat ons n beter verstaan kan he van hoe dit geskryf is. Daarom moet ons die skryfstyl identifiseer in die teks. Hier is klomp soorte skryfstyle wat ons in die teks kry.

 

Verskillende tipes geskrifte in die Ou Testament

  • Verhale– Vertellinge oor die begin van die skepping, die eerste generasies mense en die begin van God se volk wat ons help om ons wêreld te verstaan.
    (Genesis, Exodus, Numeri. Deuteronium)
  • Regskodes– Versamelings van wette en opdragte waarvolgens God se volk moes lewe.
    (Lev, Exodus, Num, Deut)
  • Geslagsregisters– Lyste van verskillende families se geskiedenis en verhoudings
    (Dele van Gen, Num)
  • Geskiedenisverhale– Semi-historiese vertellings van spesifieke gebeure in God se volk se geskiedenis.(Josua, Rigt, 1 & 2 Sam, 1 & 2 Konings)
  • Profetiese boeke– Versamelings van die woorde van God en die simboliese aksies deur mense.
    (Jesaja, Jeremia, Ezegiel)
  • Psalms/Odes/Liedere– Gedigte bedoel vir die gemeente aanbidding of persoonlike gebed.
    (Psalms)
  • Gebede/Klaagliedere– Persoonlike woorde van mense aan God.
    (Klaagliedere)
  • Spreuke– Algemene wysheid oor goeie en gesonde leefstyl.
    (Spreuke)
  • Wysheids geskrifte– Verkillende tipes verhale wat mense help om sinvol te leef.
    (Job, Hooglied)
  • Openbarings– Verhale wat mense help om hoopvol te wees oor die toekoms.
    (Daniel)

Verkillende tipes geskrifte in die Nuwe Testament

  • Evangelies– Vertellings oor die “Goeie Nuus” oor Jesus. Semi-histories, biografiese weergawes van Sy lewe, lerings en optrede.
    (Mark, Matt, Luk, Joh)
  • Handelinge– ‘n Vertelling oor die lewe en werk van ‘n paar van die eerste Christenleiers en gemeentes.(Handelinge)
  • Briewe– Briewe aan die gemeente en mense wat bedoel is om te leer en aan te moedig. (Veral die briewe van Paulus)
  • Kerkreëlings- Voorskrifte oor hoe geloofsfamilies hulleself moet organiseer.
    (1 Tim, Titus)
  • Testamente– Laaste reëlings van iemand wat gesterf het aan sy opvolger/s.
    (2 Tim & 2 Petrus)
  • Preke– Verklaring en uitleg van (OT) tekste uit die perspektief van Jesus.
    (Hebreërs)
  • Wysheidswoorde– Algemene insigte oor die Christelike leefstyl
    (Jakobus)
  • Omsendbriewe– Algemene briewe bedoel vir ‘n wyer gehoor.
    (1 & 2 Petrus)
  • Openbaring– ‘n Simboliese vertelling wat mense help om hoop vir die toekoms te kry.

Kleiner tipes geskrifte in die Nuwe Testament

Daar is ‘n paar kleiner tipes geskrifte in die Nuwe Testament

Verhalende geskrifte:

  • Geslagsregisters
  • Inleidings, oorgange en opsommings van die skrywers
  • Wonderverhale
  • Roepings- en uitstuur verhale
  • Konflikvertellings
  • Vertellings oor drome en visioene
  • Legendes en mites

Gespreksgeskrifte:

  • Gelykenisse
  • Liedere en gebede
  • Wette
  • Kort uitsprake/Spreuke
  • Toesprake/Preke

 

Karakters

Wanneer ons met die karakters in n verhaal werk is dit belangrik om die karakters te identifiseer asook goed soos die emosies en die konflik in die karakters omdat dit ons help om met van die karakters te identifiseer en daarom meer van myself en God te ontdek.

Hier is n klompie vrae wat gevra kan word aangaande die karakters.

Vrae oor die karakters

  1. Wie is die karakters? (Dit kan mense/diere of dinge wees)
  2. Wat is die motiewe van die verskillende karakters?
  3. Watter konflik is daar tussen die karakters?
  4. Hoe verskil die verskillende karakters se optrede van mekaar?
  5. Watter emosie dink jy beleef die verskillende karakters?
  6. Wat is die eienskappe van die verskillende karakters?
  7. Wat is die verhoudings tussen die karakters?
  8. Wat is die karakters se sosiale status? (In hulle samelewing)
  9. Wat is die karakters se name en moontlike betekenis daarvan?

Verhaal

Ons wêreld bestaan uit stories en daarom is dit belangrik om die verhaal vas te vang en te ontleed want dit breuk die teks oop op n manier waarop ons kan verstaan wat aan die gebeur is in die teks. Hier volg n paar belangrike aspekte wanneer ons oor die verhaal gesels.

  • Wat gebeur in die verhaal?
  • Waar is die draai punte in die verhaal?
  • Waar is daar Konflik in die verhaal?
  • Wat is die boodskap wat die verhaal uitdra?
  • Watter beelde word gebruik in die verhaal?
  • Watter atmosfeer is teenwoordig in die verhaal?
  • Wat leer die verhaal ons oor God?
  • Waar ontdek ons God binne die verhaal?
  • Wat leer die verhaal ons oor die mens?
  • Wat leer die verhaal ons oor Sonde of Genade?
  • Wat leer die verhaal ons oor ons optrede?

Waardes

Waardes kweek n leefstyl en daarom Identifiseer ons waardes in die teks wat ons kan help om ons eie waarde sisteem op te bou wat ons help met ons optrede in die wêreld. Daar is n lys waardes aangeheg wat kan help  om die waardes te identifiseer.

  • Identifiseer waardes in die teks.
  • Maak die waardes prakties uitleef baar vir ons jongmense.
  • Help hulle om maniere te vind om die waardes in hul lewe uit te leef.

Kreatiewe moontlikhede

Daar is verskeie maniere hoe om die teks kreatief uit te beeld sodat daar n beter sigbare greep  op die gebeure te kry.  Hier kan jy doen net wat jy dink in jou groep sal werk en daarom is hierdie net n hulpmiddel . hier is egter n paar voorbeelde.

  • Rollespel:

Neem die verhaal en deel elke kind in die groep in een of ander “rol” in. Dis belangrik om almal in ted eel en ken maar “denkbeeldige” rolle toe as daar nie genoeg in die teks is nie. Lees die verhaal stadig en laat die kinders die rolle vertolk soos die verhaal ontvou.

 

  •   Dialoog:

Baie soos rollespel maar minder “aksie”. Dis goed vir afwisseling (of vir ‘n volgende rondte met die teks) om die groep die teks “in karakter” te laat voorlees.\

 

  •  “Skattejag”

Soek vooraf sekere van die antwoorde op jou vrae uit en maak dit skate wat die groep moet probeer vind. Bv. Daar is ‘n man in die teks wat saam met Jesus op die water loop. Wie is hy en hoeveel keer staan sy naam in die teks?

 

  •   Kuns

Enige kreatiewe manier waarop die teks voorgestel kan word.

Stuur

Nadat ons die teks deeglik behandel het wil ons die jongmense uit stuur om die 3 V’s wat ontdek is in die teks te gaan uitleef in die wêreld waarin hulle leef.  Daarom is dit belangrik om die 3 v’s in te bring en di jongmense uit te stuur met dit in die wêreld in. Hier volg n klomp moontlike vrae wat ons kan help met die ontdekking van die 3 V’s in die teks.

 

Leef die woord

Verwondering:

  • Hoe help hierdie Skrifgedeelte jou om God (Vader, Seun en Heilige Gees) beter te ken?
  • Watter eienskappe van God leer jy ken in hierdie teks?
  • Wat in hierdie teks laat jou God bewonder?
  • Ervaar jy iets wat jy moet bely en vergifnis voor vra?
  • Watter emosie/gevoelens laat die teks jou ervaar?

Volgeling:

  • Wat is daar wat jou nader aan Jesus bring?
  • Wat sien jy in die teks waarin jy moet groei?
  • Wat is daar watjy raaksien in jou lewe?
  • Watter gedrag/gewoontes word geraak deur wat jy ontdek?
  • Is daar denkpatrone/gedagtes wat geraak word/moet skuif?
  • Watter waardes wprd ondersteun deur hierdie teks?

Verhoudings:

  • Wat is daar wat jy in jou verhoudings kan uitleef?
  •       Ouers en familie
  •       Geloofsfamilie
  •       Beste vriende
  •       Kenisse
  •       Vreemdelinge

Views: 115

Voeg Kommentaar By

Jy moet 'n lid wees van PvR Gemeenskapskerk om kommentaar te lewer!

Join PvR Gemeenskapskerk

Nuusflitse

Indien jy graag op hoogte wil bly van wat in ons geloofs-familie gebeur, kan jy gerus vir ons nuusbriewe inskryf.





© 2017   Created by PVR Admin.   Powered by

Promosies  |  Report an Issue  |  Terms of Service