PvR Gemeenskapskerk

Ek vra omverskoning, n pratende mens is ek nie, n skrywer nog minder.

ek verstaan die roeping van uitreik, ek verstaan die Here se opdrag en die belangrikheid dat die evangelie van verlossing en verhouding met God verkondig word aan alle volke en tale, wat ek egter nie verstaan nie is die feit dat die dienste nog steeds suiwer blank is.  ek weet daar is n  diens vir afrika tale, maar regtig, soos die apostels in tale gespreek het en almal verstaan het in hulle eie tale, kan hierdie kerk vir wie ek n groot respek het, alhoewel my opinie nie regtig ter sprake is nie, nie hul dienste aanpas om almal in afrikaans en engels te akkommodeer nie? ek wil nie kritiseer nie, maar as ons nie as Pierre van Ryneveld gemeenskap dieselfde dienste bywoon nie, hoe kan ons ooit verwag om in eenheid die Here te dien.  hoe kan ons regtig begin uitreik as ons nie eens in die basiese van naaste kan voldoen nie.  soos ek dit sien, en hier is ek seker krities, is die diens vir afrika tale n mooi gebaar en help dit om  gevestigde lidmate nie aanstoot te gee nie.  as ons ernstig is oor God se evangelie, sal hierdie kerk elke Sondag gevul wees dat sy nate bars met lidmate / besoekers van alle tale en ras wat God loof en prys in ten minste afrikaans en engels.  wat verhinder tolkdienste in die kerk, waar is Buthi( verskoon as spelling verkeerd is).

verskoon my as ek soos n klakous klink, dit is nie my bedoeling nie, die kwessie le al lank op my nek, en ek wonder net wanneer ons kerk die groot stap gaan vat om regtig hande te vat met almal in die gemeenskap.

dink net watter groot uitreik PVR gaan he as alle rasse en tale in PVR dieselfde doel nastreef.

ek praat uit my eie onkunde, maar sien daarna uit om eendag te sien dat Pierre van Ryneveld dienste lewer soos wat hulle partykeer oor die televisie uitsaai, waar duisende mense van alle rasse en tale sit en die Here loof en prys.

maar net n mens,

eugene.

Views: 72

Voeg Kommentaar By

Jy moet 'n lid wees van PvR Gemeenskapskerk om kommentaar te lewer!

Join PvR Gemeenskapskerk

Kommentaar deur Riette Zaaiman op 6 November 2011 om 6:54

Liewe Eugene

Jy is so nederig en stel hierdie omstrede saak so beskeie. Dankie vir die manier hoe jy dit hanteer; soos jy dit stel, is dit werklik net 'n begeerte van jou hart dat alle volke en tale die Here as eenheid moet dien - net soos ons in die Bybel daarvan lees - almal is een in die Here.

Weet jy, ek het ookal met hierdie gedagtes geworstel/gespeel. Dit sou vir my ook wonderlik wees as die kerk 'n toonbeeld kan wees van hoe ons in Suid-Afrika vergewe en liefde kan deel; hoe ons oor taal en kultuur heen dieselfde God dien en dit saam doen - 'n versoenende eenheid in God. 

Toe ek verder die praktiese daarvan deurdink, kom ek tot die volgende gevolgtrekking:  Ek wil my Here in my eie taal dien, met liedere wat ek kan saamsing en wat vir my aanspreek (ja, soms is daar pragtige Engelse liedere wat ek geniet om te sing), sodat ek uit my hart en voluit Sy eer kan sing.  En weet jy, ek kan nie regtig in Engels bid en saam met 'n voorganger my diepste gevoelens met die Here in 'n ander taal as my moedertaal kommunikeer nie. As die prediker uit die Bybel lees, spreek dit my die beste in my moedertaal aan.  Kortom, ek sal ongelukkig wees as my kerk dienste in Engels moet hou, want ek sal self na 'n Engelse kerk toe gaan as ek Engels verkies en ek het Afrikaans gekies. 

Net so, gun ek dit ook vir my anderskleurige broers en susters in Christus, om met die tipe musiek waarvan hulle hou, wat hulle anspreek, en in die taal wat hulle verkies, die Here te aanbid.  En as hulle wil dans daarmee saam , moet hulle dit kan doen. (Ek is nou nie 'n danser nie!) Dankie tog vir Buthi wat met hulle in hulle eie taal kan praat, want hulle het seker ook dieselfde behoefte as ek! 

Dit beteken egter nie dat ons nie by geleentheid almal saam in die kerk kan sit en saam die Here kan loof nie.  Miskien kan ons so 'n geleentheid reël, waar hulle kan voel dat hulle ook saam met ons in dieselfde diens welkom is?   (Ek is nie so kleinlik, dat ek by geleentheid nie Engels in die kerk wil hoor, ter wille van 'n groter doel nie.  Ek het Phil se pinksterdienste bygewoon en dit goed gevind. Ek wonder net, hoekom ons anderskleurige lidmate dit nie bygewoon het nie?)

Terloops, ek het 'n paar van daardie lidmate by die Dorpsfees gesien - hulle het sekerlik ook die uitnodiging gekry om te kom deel ?  Hoekom was daar so min van hulle? Is dit maar weer die kultuurding - dat hulle nie eintlik gemaklik voel met ons kultuur en manier van dinge doen nie?  Nie werklik dieselfde dinge geniet as ons nie?

Kulture verskil nou eenmaal en dis so inherent deel van jou identiteit en menswees.  Dis nie 'n ding waaraan ons moet karring om af te breek en "almal een" te maak nie.  Ek glo ons moet verkillende kulture respekteer.  Dis maar soos ek die ding verstaan, Eugene. Gee vir elkeen sy plekkie in die son, maar moenie dinge forseer wat nie spontaan gebeur nie.

Nuusflitse

Indien jy graag op hoogte wil bly van wat in ons geloofs-familie gebeur, kan jy gerus vir ons nuusbriewe inskryf.





© 2017   Created by PVR Admin.   Powered by

Promosies  |  Report an Issue  |  Terms of Service